Galit na galit umano si Annabelle Rama kay Vice Ganda dahil sa joke ng komedyante tungkol kay Manny Pacquiao.
Ito ang tinalakay ni Ogie Diaz sa vlog niya kamakailan sa kanyang YouTube channel. Ayon kina Ogie at Mama Loi, nakarating umano kay Annabelle ang “Pacquiao University” joke ni Vice na hindi nito nagustuhan.
“Si Annabelle ang na-offend for Manny Pacquiao, oo. Sabi naman ni Tita Annabelle e baka hindi raw nalalaman ni Vice Ganda. Na si Manny Pacquiao ay anim na taong naging congressman. Siyam na taong naging senador, at 26 years sa boxing, at milyonaryo .Siya raw ang makakapag-save ng buong Pilipinas sabi ni Tita Annabelle. So bakit ginaganon daw ni Vice,sa stage. Nakakaloka!” pagbabahagi ni Ogie.
Ipinaliwanag din ni Ogie na ‘yung joke kung saan nag-react si tita Annabelle ay matagal na raw na ginagawa ni Vice.
“Gusto ko lang sabihin kay tita Annabelle, hindi natin ipinagtatanggol si Vice Ganda rito pero matagal na pong joke ‘yun dito sa mga comedy bars,” paglilinaw ni Ogie.
Kwento ni Ogie, may parte raw kasi sa concert na nag-uusap sina Vice Ganda. At mga kapwa-komedyante na sina Lassy at MC.
“Ang sabi raw kasi, kung magtatayo ng university si Manny Pacquiao ay tatawagin itong Pacquiao University. Na ang mga estudyante ay tatawaging ‘pacers’ at ang mga nanay ay tatawaging ‘mother pacers’,” kwento ni Ogie na natatawa.
Bentang-benta raw talaga ang nasabing joke sa mga tao at nakarating nga raw kay tita Annabelle ang nangyari since wala naman daw ito sa concert.
Muli ay pinaliwanag niya na hindi naman pinagtatawanan ni Vice si Manny. Idinagdag din niyang ganu’n naman daw talaga ang brand of comedy sa mga comedy bars at hindi naman dapat sineseryoso.
The post Annabelle Rama nanggigil kay Vice Ganda dahil sa joke nito tungkol kay Manny Pacquiao appeared first on Pilipinas Trending.
Annabelle Rama nanggigil kay Vice Ganda dahil sa joke nito tungkol kay Manny Pacquiao
Source: Pinoy Hokage
0 comments :
Post a Comment